कैलालीका एसपी राणालाई कोरोना संक्रमण, लक्षण देखिएपछि काठमाडौं ल्याइयो

२५ असोज, काठमाडौं । जिल्ला प्रहरी कार्यालय कैलालीका प्रमुख अर्थात प्रहरी उपरीक्षक अनुपम शमशेर राणालाई कोरोना संक्रमण पुष्टि भएको छ । यसअघि मानव बेचबिखन अनुसन्धान ब्युरोमा समेत काम गरेका एसपी राणालाई संक्रमण देखिएसँगै लक्षण पनि देखिएको छ ।

लगातार खोकी लाग्ने, ज्वरो आउने भएपछि उनलाई एम्बुलेन्समार्फत काठमाडौं ल्याइएको हो । संक्रमण पुष्टि भएपछि उनी चिकित्सकहरूको सल्लाह लिएर आफ्नै क्वार्टरमा बसेपनि अवस्था जटिल बन्ने जोखिम भएपछि उनी काठमाडौं आएका हुन् । काठमाडौंमा प्रहरीकै अस्पतालमा भर्ना गरेर उपचार थालिने बताइएको छ ।