एकैदिन जन्मिएका बलिउड र कलिउड बादशाह !

२५ असोज, काठमाडौं । ११ अक्टोबर । अर्थात यस दिन आधुनिक पुस्ताको बलिउड बादशाह अमिताभ बच्चन र कलिउडका बादशाह नीर शाहको जन्मदिन हो । अमिताभ आजदेखि ७८ बर्षमा प्रवेश गरेका छन भने नीर शाह आजदेखि ७५ बर्षमा प्रवेश गरेका छन् ।

भारतमा राजेश खन्नालाई महानायक मानिन्छ । नेपालमा राजेश हमाललाई महानायक भनिन्छ । तर अभिनयको जग बसाल्ने र धेरै नै लोकप्रियता कमाएका व्यक्ति भने बलिउडमा अमिताभ हुन भने नेपाल अर्थात कलिउडमा नीर शाह हुन् ।

सन् १९४२ अक्टुबर ११ तारिखमा जन्मिएका अमिताभ बच्चनले चलचित्र ‘सात हिन्दुस्तान’बाट बलिउडमा हैकम जमाउन शुरु हुन् । ७० को दशकमा अमिताभले अभिनय गरेका ‘जन्जिर, दिवार, सोले’ जस्ता चलचित्रले बक्स अफिसमा धुम मच्चाए । ७० र ८० को दशकमा अमिताभले सिंगो बलिउडलाई आफ्नो काँधमा बोकेका थिए ।

भारतका प्रतिष्ठित अवार्डको साथमा विभिन्न देशबाट समेत सम्मानित भएका नायक बच्चनले थुप्रै चलचित्र सम्बन्धी अवार्ड समेत प्राप्त गरेका छन् ।

यस्तै नेपाली चलचित्र क्षेत्रका सफल निर्देशक, कलाकार, निर्माता, लेखक तथा गीतकार नीर शाह आजदेखि ७५ बर्षमा प्रवेश गरेका छन् । शाहले अभिनय गरेको पहिलो नेपाली चलचित्र ‘परिवर्तन’ हो ।

शाहले ‘कुसुमे रुमाल, प्रेम पिण्ड, नाता रगतको, ढुकढुकी, बादलपारि, सिउँदोको सिन्दुर, गौथली, जीवनसाथी, बाचा बन्धन, मुना मदन, सानो संसार, किस्मत’ लगायतका चलचित्रमका अभिनय गरेका छन् ।