प्रचण्ड-ओलीसँग मिलेर कांग्रेसले भ्रष्टाचार गरेको प्रमाण दिन बाबुरामलाई चुनौति

२५ असोज, काठमाडौं । पूर्वप्रधानमन्त्री बाबुराम भट्टराईले नेकपाका अध्यक्षद्धय केपी शर्मा ओली र प्रचण्डसँग मिलेर सभापति शेरबहादुर देउवाले ९ अर्ब भ्रष्टाचार गरेको बताएपछि नेपाली कांग्रेसले त्यसको प्रमाण दिन चुनौति दिएको छ ।

पूर्वप्रधानमन्त्री भट्टराईले हालै गोरखामा आयोजित एक कार्यक्रममा बुढीगण्डकीमा प्रधानमन्त्री केपी शर्मा ओली र पूर्वप्रधानमन्त्रीद्धय पुष्पकमल दाहाल प्रचण्ड र शेरबहादुर देउवाले ९ अर्ब रुपैयाँ बाँडेर खाएको आरोप लगाएका थिए । प्रमाण आफूसँग रहेको र भ्रष्टाचार पुष्टि भएको भट्टराईको आरोप छ ।

प्रवक्ता विश्वप्रकाश शर्माले आइतबार विज्ञप्ति जारी गर्दै कांग्रेसले ओली र प्रचण्डसँग मिलेर भ्रष्टाचार गरेको प्रमाण सार्वजनिक गर्न भट्टराईलाई चुनौती दिएका हुन् ।