ईप्रका सुगौली बिर्ताको टोलीद्धारा ठुलोमात्रामा लागुऔषध बरामद

वीरगंज २५ असोज । जिल्ला प्रहरी कार्यालय पर्साको मातहत रहेको ईलाका प्रहरी कार्यालय सुगौली बिर्ताले भारी मात्रामा लागु औषध बरामद गरेको छ ।

ईलाका प्रहरी कार्यालय सुगौली बिर्ताबाट प्रहरी नायव निरीक्षक सुमन सिंहको कमाण्डमा खटिएको प्रहरी टोलीले वीरगंज महानगरपालिका वडा नं २४ बहुअरी चौक नजिक भारतीय ट्रकबाट १२ सय ६ पीस लागुऔषध वीनरेक्सको बोतल र आठ सय ९१ एम्पुल, नुरफिन, माईजोपाम, फेनरागन ईन्जेकसनसहित तीनजना भारतीय नागरिकलाई नियन्त्रणमा लिएको हो ।

ईलाका प्रहरी कार्यालय सुगौली बिर्ताबाट विषेश सुचनाको आधारमा सई सुमन सिंहको नेतृत्वमा खटेको प्रहरी टोलीले वीरगंज आईसीपीबाट जाचँपास भई छुटेको एच आर ३८ भी ४८९५ नम्बरको भारतीय ट्रक माथि शंका लागि चेकजाँच गर्दा उक्त ट्रकको चालक क्याविनबाट, चालक बस्ने सीटको पछाडीको सीटमुनी र सोही क्याविनको बोर्नटको क्याविनमा लुकाईछिपाई ल्याईराखेको लागुऔषध नुर्फिन दुई सय ९७ एम्पुल ईन्जेक्सन, फेनरागन दुई सय ९७ एम्पुल ईन्जेकसन, डाईजोपाम दुई सय ९७ एम्पुल ईन्जेक्सन, र वीनरेक्स १०० एमएलको १२०६ बोतलसहित तीनजना भारतीय नागरिकलाई पक्राउ गरिएको जिल्ला प्रहरी कार्यालय पर्साका प्रवत्ता मनोजित कुँवरले जानकारी दिए ।

पक्राउ पर्नेमा ट्रकका चालक भारत पुर्वी चम्पारण जिल्ला मोतीहारी थाना रक्सौल हर्दिया वडा नं ४ बस्ने बिक्रान्त पटेल, ट्रकमा सवार सोही ठाँउ बस्ने रामबालक राम र आकाशकुमार राम रहेको प्रहरीले जनाएको छ । लागुऔषधसहित पक्राउ गरिएका तीनैजना माथि लागु औषध एेन २०३३ बमोजिम आवश्यक कार्यवाही गरिने पर्सा प्रहरीका प्रवक्ता मनोजित कुवरले बताए ।