मन्त्रिपरिषद बैठकको निर्णय : कसको नियुक्ती कहाँ ?

२५ असोज, काठमाडौं । सरकारले मन्त्रिपरिषद बैठकका निर्णय सार्वजनिक गरेको छ । असोज २२ गते बसेको बैठकका निर्णय सरकारले आइतबार पत्रकार सम्मेलन गरेर सार्वजनिक गरेको हो । मन्त्रिपरिषद बैठकको निर्णय अनुसार नेपाल वायुसेवा निगमको महाप्रवन्धकमा डिमप्रकाश उर्फ प्रकाश पौडेललाई नियुक्त भएका छन् ।

यस्तै लुम्बिनी विकास परिषदको सदस्य सचिव पदमा काडमाडौं महानगरपालिका वडा नंबर २१ का सानुराजा शाक्यलाई नियुक्त गर्ने निर्णय सरकारले गरेको छ ।

कीटजन्य रोग तथा अनुसन्धान तथा तालिम विकास परिषदको अध्यक्षमा डा. वशिष्ट प्रसाद रिजाललाई मनोनयन गर्ने निर्णय मन्त्रिपरिषद बैठकले गरेको छ । यस्तै सिंहदरबार वैद्यखानाको अध्यक्षमा डा.बाबुराजा अमात्यलाई नियुक्त गर्ने निर्णय गरेको छ ।

यस्तै औषधी परामर्श परिषदमा संघरत्न बज्राचार्य, बाबुराम हुमागाई र दीपकप्रसाद दाहाललाई नियुक्त गरिएको छ । राष्ट्रिय आर्युवेद अनुसन्धान तथा तालिम केन्द्रका अध्यक्षमा डा.देवबहादुर रोका क्षेत्रीलाई नियुक्त गर्ने निर्णय मन्त्रिपरिषद बैठकले गरेको सरकारका प्रवक्ता तथा परराष्ट्रमन्त्री प्रदीप ज्ञवालीले बताएका छन् ।