रूपन्देहीकी संकमित महिलाको भरतपुरमा मृत्यु

२६ असोज, चितवन । रूपन्देहीकी एकजना कोरोना संकमित महिलाको भरतपुरस्थित चितवन मेडिकल कलेजमा उपचारको क्रममा सोमबार मृत्यु भएको छ ।

रुपन्देहीको तिलोत्तमा नगरपालिका –१५ की ३५ वर्षीया महिलाको आज दिउँसो ४ बजे उपचारको क्रममा मृत्यु भएको हो । श्वासप्रश्वासमा समस्या भएकी ती महिला असोज २१ गते अस्पताल भर्ना भएकी थिइन् ।

असोज २० गते लुम्बिनी प्रादेशीक अस्पताल बुटवलमा कोरोना संक्रमण पुष्टि भएपछि उनलाई थप उपचारका लागि चितवन मेडिकल कलेजमा ल्याइएको थियो । कोभिड कक्षको भेन्टिलेटरमा राखेर उनलाई उपचार गरिएको भएपनि बचाउन नसकिएको अस्पतालले जनाएको छ ।