आज नियुक्त भएका मन्त्रीको शपथ भोलि बिहान साढे ११ बजे

२८ असोज, काठमाडौं । आज नियुक्त भएका तीनजना मन्त्रीको शपथग्रहण भोली बिहान ११ बजे हुने भएको छ। राष्ट्रपति कार्यालयका अनुसार भोली बिहान शपथग्रहणका लागि तयारी गरिएको छ।

संवैधानिक व्यवस्था अनुसार मन्त्रीहरुलाई राष्ट्रपति विद्यादेवी भण्डारीले पद तथा गोपनीयताको शपथग्रहण गराउने छिन्। बुधबार साँझ नेकपा महासचिव समेत रहेका विष्णु पौडेल अर्थमन्त्री नियुक्त भएका थिए ।

त्यस्तै शहरी विकास मन्त्रीमा नेकपा सांसद कृष्णगोपाल श्रेष्ठ र लीला श्रेष्ठलाई महिला, बालबालिका तथा सामाजिक विकास मन्त्रीमा नियुक्त गरिएको छ। महिला, बालबालिका मन्त्री पार्वत गुरुङलाई सूचना तथा सञ्चार प्रविधि मन्त्रालयको जिम्मेवारी दिइएको छ।