सालकको खपटासहित ३ जना पक्राउ

२९ असोज, भक्तपुर । सालकको खपटा बिक्री गर्न ग्राहक खोज्दै हिँड्ने तीन जनालाई प्रहरीले भक्तपुर नगरपालिका–९ च्याम्हसिंहबाट पक्राउ गरेको छ । प्रहरी प्रधान कार्यालय केन्द्रीय अनुसन्धान ब्यूरो महाराजगञ्जबाट खटिएको प्रहरी टोलीले भक्तपुरबाट पाँच किलो ३०० ग्राम दुर्लभ वन्यजन्तु सालकको खपटासहित तीन जनालाई पक्राउ गरी आजै आवश्यक कारबाहीका लागि डिभिजन वन कार्यालय भक्तपुरमा पठाएको छ ।

पक्राउ पर्नेमा सिन्धुली कमलामाई नगरपालिका–९ घर भई काठमाडौं गौशाला बस्ने २३ वर्षीय कपिल बस्नेत, रामेछाप दोरम्बा गाउँपालिका–५ बस्ने ४५ वर्षीय लाल तामाङ र भक्तपुर नगरपालिका–९ बस्ने रामेछाप सुनापति गाउँपालिका–४ का ३० वर्षीय ज्ञानबहादुर तामाङ रहेको प्रहरीले जानकारी दिएको छ । उनीहरूलाई आवश्यक कारबाहीका लागि डिभिजन वन कार्यालय भक्तपुरमा पठाएइको छ ।