राप्रपाका अध्यक्ष कमल थापालाई कोरोना पुष्टि

२९ असोज, काठमाडौं । राष्ट्रिय प्रजातन्त्र पार्टीका अध्यक्ष कमल थापालाई कोरोना संक्रमणको पुष्टि भएको छ । सामाजिक सञ्जाल ट्विटरमार्फत उनले आफूलाई कोरोना संक्रमण पुष्टि भएको बताएका छन।

बुधबार टाउको सामान्य दुखेपछि कोरोना संक्रमण परीक्षण गरेका उनमा बिहीबार संक्रमण पुष्टि भएको हो । थापाले आफ्नो अवस्था सामान्य रहेको र केही दिनयता आफूसँग सम्पर्कमा रहेकाहरुलाई सुरक्षित र सतर्क रहन आग्रह गरेका छन् । थापा होम आइसोलेसनमै बसेका छन् ।