माछी भुल्योमा पल र रियासाको अभिनय

४ कात्तिक, काठमाडौं । नायक पल शाह र रियाशा दाहालको अभिनय रहेको ‘माछी भुल्यो’ लोक दोहोरी गीत सार्वजनिक भएको छ । गीतमा गायक तथा सर्जक प्रवान जे र भारतिय गायिका दीपशिखाको स्वर रहेको छ ।

नायक पल शाहको काँठे गीतमा अभिनय गरेको यो पहिलो पटक हो भने भारतीय गायिका दीपशिखाले पनि लोकदोहोरी गीतमा आफ्नो आवाज दिएकी हुन् । नेपालको ईतिहाँसमै भारतीय गायिकाले लोकदोहोरी गाएको यो नै पहिलो पटक हो ।

क्लासिकल विधामा अब्बल रहेकी दीपशिखाले ७० भन्दा बढी गीत गाईसकेकी छन् । भारतको लखनउमा जन्मेकी उनी मुम्बईमा बस्दै आएकी छन् । उनले हालसम्म १० भन्दा बढि नेपाली गीत गाईसकेकी छन् । उनले रेडियो नेपालमा समेत गीत रेकर्ड गराईसकेकी छन् ।

भिडियोको निर्देशन प्रभावन जे, छायाँकन ज्ञानेन्द्र शर्मा हुँमागाई, कास्टिङ निर्देशन राजाराम गौतम, करियोग्राफ सन्तोष राजवाहक, सम्पादन डिन्शन शाह, श्रृगार सरिता प्रजापति, निर्माण व्यवस्थापक विवेक चौलागाई, निर्माण नियन्त्रक श्याम धितालको रहेको छ ।

प्रभावन जे को शब्द रहेको गीतमा एरेन्ज जीवन वडुको रहेको छ । गीतको भिडियो डीएआर मुभिज एण्ड फिल्म ईन्डस्ट्रिको अफिसियल च्यानलबाट सार्वजनिक गरिएको छ ।