जुवाकाे खालबाट ९ जना पक्राउ

४ कात्तिक, सुनसरी । प्रहरीले तास खेल्दै गर्दा जुवाको खालबाट ९ जनालाई पक्राउ गरेको छ ।ईटहरी उममहानगरपालिका-८ स्थित ६२ वर्षीय रत्न अधिकारीको घरमा तास खेलिरहेको अवस्थामा नगद २० हजार ३ सय ८० रुपैयाँ र ३ बुक तास सहित ९ जनालाई प्रहरीले पक्राउ गरेको हाे ।

पक्राउ पर्नेहरुमा निज रत्न अधिकारी, सोही ठाउँ बस्ने ५५ वर्षीय हरेम्ब भट्टराई, ५३ वर्षीय शेखर चौधरी, सोही उपमहानगरपालिका-६ बस्ने ४८ वर्षीय महेश बराल, सोही उपमहानगरपालिका-९ बस्ने ४५ वर्षीय डिक बहादुर कार्की, सोही उपमहानगरपालिका-८ बस्ने ५१ वर्षीय रामनाथ हरीजन, ४६ वर्षीय भिम भुजेल, ५६ वर्षीय राम बहादुर कार्की र ४९ वर्षीय रंगनाथ रिजाल रहेका छन् । रत्नको घरमा तास खेलिरहेको भन्ने खबर प्राप्त हुनासाथ ईलाका प्रहरी कार्यालय ईटहरीबाट खटिएको प्रहरीले उनीहरुलाई पक्राउ गरेको हो ।

उनीहरुमाथि जिल्ला प्रशासन कार्यालयबाट म्याद थप अनुमति लिई आवश्यक अनुसन्धान भइरहेको जिल्ला प्रहरी कार्यालय सुनसरीले जनाएको छ ।