सरकारले ल्याएको नीति विपरीत सार्वजनिक यातायात संचालनमा ,‘प्रतिस्प्रर्धा’ले सर्वसाधारणलाई सास्ती

♦ मिना कंडेल

४ कार्तिक, नवलपुर । लामो समयपछि संचालनमा आएका सार्वजनिक यातायातमा स्वास्थ्य मापदण्ड पुरा हुन सकेको छैन् । कोरोना भाईरसको महामारीले चैत्र ११ गतेदेखि बन्दाबन्दीमा परेका सार्वजनिक यातायात छ महिनापछि सुचारु भएका छन् । तर सरकारले ल्याएको नीति विपरीत चलेका छन् । एक सिटमा एकजनाका दरले यात्रुहरु चढाउने माक्स र सेनिटाइजर प्रयोग गर्ने भनिएको भएपनि त्यसो नभई सार्वजनिक यातायात चल्नाले कोभिडको जोखिम बढ्दो रहेको छ ।

सुरुसुरुका दिनमा एक सिटमा एकजना र माक्स, सेनिटाइजरको प्रयोग गएिको थियो तर अहिले एकसिटमा दुई जना नै चढाउने गरिएको छ । जसले गर्दा सार्वजनिक यातायातमा यात्रा गर्दा झन कोभिडको संक्रमण फैलिने डर भएको कावासोतीका लोक कंडेलले बताए । उनले “आफु सुरक्षित भएपनि यात्रा गर्दा कसैले माक्सको प्रयोग गर्छन् कसैले गर्दैनन् एक सिटमा दुईजना नै बसेका छन् जसले हामीहरु नै समस्यामा परिएला भन्ने चिन्ता लागको बताए । ”

एकातर्फ कोरोनाको जोखिम अर्कातिर सार्वजनिक यातायातमा ‘प्रतिस्प्रर्धा’ गरि हतारहतार चढाउने अनि ओराल्ने परिपाटीले सर्वसाधारणलाई सास्ती व्यहोर्नु परेको छ । सार्वजनिक यातायातमा शिष्ट व्यवहार नहुनु झन अर्काे समस्या भएको अधिकांश यात्रुहरुको गुनासो रहेको छ ।

नारायणगढ–डण्डा, चोरमारा रुट भएर चल्ने सवारीमा यात्रुहरुले बढी हैरानी खेप्नु परेको गैडाकोट १६ अमरापुरीका हरी ज्ञवालीले बताउछन् । ‘ लोकल रुटमा चल्ने सवारीमा धेरै समस्या र यसको लागि सम्बन्धित निकायले चासो दिनु पर्ने नदिएको उनले बताए । अहिले नवलपुरमा मात्र ३ देखि चारवटा विभिन्न संघ अन्तरगतका बसहरु चल्ने गर्दछन । चौतारी यातायात, लेकबेसी यातायात, सिटीबस यो रुटमा चल्ने मुख्य सार्वजनिक बसहरु रहेका छन । आफुहरु समयमा पुग्नु पर्ने र आफु भन्दा अघि अरु बस गयो भने यात्रु आफ्नै बसमा चढाउँछ भन्ने मानसिकताले अहिले लोकल रुटमा चल्ने बसमा प्रतिस्प्रर्धा पनि बढ्दो रहेको छ ।

‘यति प्रतिस्प्रर्धा छ की आफु ओर्लर्ने ठाउँ आयो भन्दा पनि पर पुर्याएर रोक्छन, एक्लै भएत केही हुन्थेन बालबच्चासँग हुदाँ पनि संयमता अपनाउदैनन् ।’ नारायगढबाट दलदले यात्रा गर्दे गरेकी दलदलेकी शोभा भण्डारीले भनिन् । शक्त यात्रुहरु मात्र हैन सार्वजनिक बसमा सवार गर्ने अशक्त र जेष्ठ नागरिकहरुले पनि हैरानी बेहोर्नु परेको छ । ‘हामीलाई मुख्य गरि भाडा सहुलियतमा ध्यान नदिने गरेका र अपाङलाई लक्षित गरेको सिट नपाइने समस्या छ’ । अरु त अरु अपाङ देखेपछि बस नै रोक्दैन’ । भण्डारीको भनाई रहेको छ ।

यता चालकले भने आफुहरुलाई टाइम कार्ड दिएको हुन्छ, टाइममा पुग्नै पर्ने हुदाँ कहिले काही ढिलो भई हालेमा यस्तो समस्या आउने गरेको स्वीकारेका छन् । जिल्ला ट्राफिक प्रहरी कार्यलय नवलपुरका प्रहरी मीनबहादुर कुवँरका अनुसार जिल्लामा चल्ने सार्वजनिक बसको हकमा भने समयमा चेकजाँच गरेको बताए । ‘हामीकहाँ अझैसम्म लोकल रुटमा चल्ने बसको विषयमा कुनै गुनासो र उजुरी आएको छैन्, यस्ता उजुरी आईहालेमा हामीले तत्काल कार्बाही गर्ने गरि काम गछौँ, ट्राफिक प्रहरी कुवँर बताउँछन् ।