नर्भिक अस्पताल भएर के गर्नु ? कोरोना लाग्दा मालिक वसन्त घरमै बस्न बाध्य !

५ कात्तिक, काठमाडौं । व्यवसायी वसन्त चौधरीलाई कोरोना संक्रमण पुष्टि भएको छ । नर्भिक अस्पतालका मालिक चौधरीलाई कोरोना संक्रमण पुष्टि भएको रिर्पोट बुधबार आएको हो । संक्रमित चौधरीलाई भने केही कोरोनाका लक्षण देखिएका छन् ।

लक्षण देखिएपनि उनी घरकै आइसोलेसनमा बसेका छन् । पछिल्लो केही दिन यता आफ्नो सम्पर्कमा आएकाहरूलाई परीक्षण गर्न र सावधान अपनाउन समेत चौधरीले आग्रह गरेका छन् ।

वसन्त नर्भिक अस्पतालका मालिक भएपनि औषधि नभएपछि घरमै बस्न बाध्य भएका हुन् । यसले पनि देखाउँछ, महामारीका बेला धनी भएपनि गरीब भएपनि सबैले सामना गर्नुको विकल्प छैन् ।

अर्बौ लगानी गरेर खोलेको अस्पताल भएपनि उपचार नभएपछि चौधरी जस्ता धनाढ्य घरमै बस्नुपर्ने बाध्यतामा पुगेका हुन् ।  यसअघि उनका दाजु विनोद चौधरीलाई कोरोना देखिएको थियो । तर उनी अहिले सञ्चो भइसकेका छन् ।