तीन दिनदेखि “ईण्ट्राडे हाई”मा बजार बन्द हुनुको यस्तो छ कारण ?

५ कार्तिक, काठमाडाैं । आज पनि दोश्रो बजार ईण्ट्राडे हाईमा बन्द भएको छ । नेप्से परिसूचक १३ दशमलव ९४ अंकले वृद्धि हुँदै १५९७ दशमलव ७१ को विन्दुमा बन्द भएको छ । आज १९२ कम्पनीको शेयर कारोवार हुँदा १ अर्ब ६३ करोडको शेयर कारोवार भएको छ ।

कारोवार रकम अघिल्लो कारोवार दिनको तुलनामा केही वृद्धि भएको छ । अघिल्लो कारोवार दिनमा आक्रामक रुपमा वृद्धि भएको हाईड्रोपावर उपसुचकमा भने आज सर्वाधिक गिरावट आएको छ। ट्रेडिङ्ग उपसुचकमा सर्वाधिक वृद्धि र वाणिज्य बैंक उपसुचकमा १ दशमलव ७१ प्रतिशतको वृद्धिको कारणले गर्दा समस्त शेयरबजार नै दोहोरो अंकले वृद्धि भएको हो।

दशैँ बिदा आउँन थोरै कारोवार दिन मात्र बाँकी रहेको अवस्थामा अहिले किनेको शेयरको पैसा दशैँपछि दिए पनि हुने भएकोले अहिले लगानीकर्ताले विगत केही दिनदेखि आक्रामक रुपमा शेयर खरिद गरेका छन् ।  तर अहिलेको तीन दिनको वृद्धि हेर्दा ठूला र संस्थागत लगानीकर्ता भन्दा साना लगानीकर्ताहरु आक्रामक भएको देखिन्छ ।

त्यस्तै वाणिज्य बैंकहरुले लाभांश प्रस्ताव गर्दै गरेको अवस्थामा कोरोनाको कारण कतै लाभांश नै आउदैन की भनेर बसेका लगानीकर्ताहरु अहिले खुशी भएको र वाणिज्य बैंकप्रति केही सकारात्मक भएको अनुमान लगाउन सकिन्छ।

नेप्से परिसूचक शुन्य दशमलव ८८ प्रतिशतले वृद्धि भएको छ । बजार १५९१ दशमलव ०४ को विन्दुमा खुलेकोमा बजारको उच्च विन्दु १५९७ दशमलव ७१ रहेको छ। बजारले १५८८ दशमलव ७८ को न्यून विन्दु समातेको थियो । बजारको उच्च विन्दु र अन्तिम विन्दु एकै रहेकोले बजार ईण्ट्राडे हाईमा बन्द भएको हो । यस्तो प्रवृत्तिलाई सकारात्मक मानिन्छ।

आज सर्वाधिक कारोवार हुने ५ कम्पनीहरु :

आज सर्वाधिक कमाउने ५ कम्पनीहरु :

आज सर्वाधिक गुमाउने ५ कम्पनीहरु :