डा. बाबुराम भट्टराई दम्पतीलाई कोरोना संक्रमण पुष्टी

८ कार्तिक, काठमाडौं ।  पूर्वप्रधानमन्त्री तथा जनता समाजवादी पार्टी  ‘जसपा’का नेता डा. बाबुराम भट्टराई र उनको धर्मपत्नी पूर्वमन्त्री हिसिला यमीलाई कोरोना संक्रमण भएको छ । पूर्वप्रधानमन्त्री भट्टराईले सामाजिक सञ्जाल ट्वीटमार्फत आफूहरुमा कोरोना संक्रमण पुष्टी भएको जानकारी दिए ।

भट्टराईकाअनुसार शुक्रबार गरिएको स्वाब संकलनको आज शनिबार आएको रिपोर्टमा दुवैजनाको पोजेटिभ देखिएको छ । भट्टराईले सामाजिक सञ्जालमा लेखेका छन, “हिसिला र म दुवैलाई कोभिड १९ को संक्रमण पुष्टि भएको छ, कात्तिक ७ गते गरिएको स्वाब परीक्षणको नतिजा पोजेटिभ आएको हो ।”

उनी अगाडि लेख्नछन, “चिकित्सकहरुको सल्लाह बमोजिम हामी होम आइसोलेशनमा नै रहनेछौं । केही समय यता हाम्रो सम्पर्कमा रहेका महानुभावहरु सबैले सतर्कता अपनाउनुहुन विशेष आग्रह छ ।”