नेकपा नेता जनार्दन शर्मा दम्पतीलाई कोरोना संक्रमण

९ कार्तिक, काठमाडौं । नेकपा नेता एवं पूर्वमन्त्री जनार्दन शर्मा ‘प्रभाकर’लाई पनि कोरोना संक्रमण पुष्टि भएको छ । नेता शर्माले आफूलाई कोरोना संक्रमण भएको भन्दै पछिल्लो समय सम्पर्कमा रहेकाहरूलाइ सावधानी अपनाउन समेत भनेका छन् ।

यस्तै शनिबार गरिएको परीक्षणमा शर्मा दम्पतीमा कोरोना संक्रमण देखिएको हो । उनमा हल्का ज्वरो आएपछि शंका लागेर स्वाब परीक्षण गरिएको थियो ।  उनी पनि होम आइसोलेसनमा बस्दै आएका छन् ।

नेता  शर्माले  सामाजिक सञ्जालमार्फत आफुलाई कोरोना पुष्टि भएको जानकारी  दिएका हुन ।