दशैँको भोलीपल्टै अमेरिका उडिन् वर्षा

१३ कातिृक, काठमाडौं । दशैँको टिका थापेर नायिका वर्षा सिवाकोटी अमेरिका उडेकी छिन् । उनी, विजयादशमीको भोलीपल्टै अमेरिका उडेकी हुन् । नायिका सिवाकोटीले आफू करिब १ महिना अमेरिकामा बस्ने बताएकी छिन् ।

उनी अमेरिका घुमघाम र कामका लागि गएकाे बताएकी छिन् । दशैं अगाडि नै वर्षाको अमेरिका जाने पक्का भएको हो । दशैं सकिए लगतै चलचित्र ‘परदेशी २’ को टिमले छायांकन सुरु गर्ने बताएको छ ।

अमेरिकाको दृश्य नेपालमै खिच्ने योजना यो चलचित्रको टिमको छ । तर, वर्षा अमेरिका उडेपछि चलचित्रको छायांकन प्रभावित हुने संभावना छ । किनकी चलचित्रका लागी  नायिका वर्षा र नायक प्रकाश सपुतका दृश्यहरु खिच्न बाँकी रहेको वुझिएको छ ।