काठमाडौंका प्रजिअ दाहाललाई पनि कोरोना पोजेटिभ

१३ कार्तिक, काठमाडौं । काठमाडौंका प्रमुख जिल्ला अधिकारी जनकराज दाहाललाई कोरोना संक्रमण पुष्टी भएको छ । उनले आफू र श्रीमतीमा कोरोना संक्रमण देखिएको र होम आइसोलेसन बसेको जानकारी गृह मन्त्रालयमा दिएका छन् । दाहालले पीसीआर परीक्षणका लागि स्वाब दिएकोमा रिपोर्ट आज पोजेटिभ आएको छ ।उनलाई टाउको दुख्नेबाहेक अरू लक्षण देखिएको छैन । गृह मन्त्रालयका प्रवक्ता चक्रबहादुर बुढाले पनि दाहाललाई कोरोना संक्रमण पुष्टी भएको जानकारी दिएका छन् ।