अधरमा बाध्यताको मुस्कान राखेर

अन्जु सापकोटा “अनु”
            बर्दिया

यी अधरमा बाध्यताको मुस्कान राखेर
बाँच्नुपर्छ कसैको साथमा सन्तान राखेर !!

हिडेका छौं कर्मपथमा जीउ ज्यान नभनी
छातीभरी चोटैचोटको ठूलो मैदान राखेर !!

खोइ कस्ले बुझ्छ पिडा स्वास्थ्यकर्मीको
केही हुनेवाला छैन महोदय विधान राखेर !!

चाहिदैनन् तिम्रा आश्वासनका भकारीहरू
हिडेकै छौं अप्ठ्यारोमा स्वाभिमान राखेर !!

सेवामा तत्पर छन् गल्ने छैनन् यी हातहरू
अँध्यारो रातमापनि सुनौलो बिहान राखेर !!

के थाहा पजेरोमा गुड्नेहरुलाइ वास्तविकता
हिडेका छौ सधैं दायाँ बायाँ जवान राखेर !!