चितवनमा उपचाररत थप दुई जना संक्रमितको मृत्यु

१४ कार्तिक, चितवन । कोरोना संक्रमणका कारण चितवन मेडिकल कलेजमा उपचाररत थप दुई जना संक्रमितको मृत्यु भएको छ । मृतक संक्रमित मध्ये एक जना चितवनका र अर्का रुपन्देहीका पुरुषको मृत्यु हुन् ।

चितवनको रत्ननगरपालिका वडा नम्बर ९ का ८८ वर्षीय पुरुषको आज बिहान ६ बजेर ५४ मिनेट जांँदा मृत्यु भएको हो । उनी उच्च रक्तचाप र मधुमेहको समस्याबाट पीडित थिए । उनलाई कार्तिक ११ गते अस्पतालमा भर्ना गरिएको थियो । उनको स्वाव परीक्षण गर्दा १२ गते कोरोना पुष्टि भएको अस्पतालले जनाएको छ ।

यस्तै, रुपन्देहीको जिल्ला वुटवल उपमहानगरपालिका वडा नम्बर ८ का ८४ वर्षीय पुरुषको पनि कोरोना संक्रमणका कारण मृत्यु भएको छ । कार्तिक ३ गते कोरोना पुष्टि भएर ११ गते अस्पताल भर्ना भएका उनको गएराति ११ बजेर ४७ मिनेटमा मृत्यु भएको अस्पतालले जनाएको छ ।