कोरोनाले कांग्रेस महासमिति सदस्य मदन मण्डलको मृत्यु

१६ कात्तिक, वीरगञ्ज । नेपाली कांग्रेसका महासमिति सदस्य मदन मण्डलको कोरोनाका कारण मृत्यु भएको छ । बाराको आदर्शकोतवाल गाउँपालिकास्थित टेडाकट्टीका ४५ वर्षीय मण्डलको आइतबार बिहान मृत्यु भएको हो ।

शनिबार कोरोना संक्रमण पुष्टि भएपछि थप उपचारका लागि काठमाडौंको नर्भिक अस्पताल लैजाने क्रममा आइतबार बिहान बाटोमा मृत्यु भएको हो । वीरगञ्जको नारायणी अस्पतालस्थित पीसीआर प्रयोगशाला गरिएको परीक्षण रिपोर्ट उनको पोजेटिभ आएपछि थप उपचारका लागि काठमाडौं लैजान लागिएको थियो ।

‘श्वास प्रश्वासमा समस्या आएपछि कोल्हवीकै स्वास्थ्य संस्थामा तीन दिनदेखि भर्ना हुनुहुन्थ्यो,’ यादवले भने, ‘कोरोनाको आशंका लागेर शनिबार पीसीआर परीक्षण गराउन नारायणी अस्पताल लगिएको थियो, रिपोर्ट पोजेटिभ नै आयो । त्यसपछि उपचारका लागि नर्भिक लैजाँदा बाटोमा नै निधन भयो ।’ मण्डलको निधनप्रति नेपाली कांग्रेस बाराले विज्ञप्ती निकालेर श्रद्धाञ्जली व्यक्त गरेको छ।