रुपन्देहीका संक्रमितको बुटवल अस्पतालमा मृत्यु

१६ कात्तिक, बुटवल । रुपन्देहीमा एकजना संक्रमितको ज्यान गएको छ । बुटवल उपमहानगरपालिका ११ का ५२ वर्षीय पुरुषको बुटवलस्थित कोरोना विशेष अस्थायी अस्पतालमा ज्यान गएको हो ।

कार्तिक ६ गते कोरोना संक्रमण पुष्टि भएपछि सोही दिन अस्पतालको सघन उपचार कक्षमा भर्ना भएका पुरुषको आइतबार दिउँसो २ बजे मृत्यु भएको हो । यससँगै रुपन्देहीमा कोरोना संक्रमणबाट मृत्यु हुनेको संख्या ८१ पुगेको छ ।