एटीएम फोडेर रकम चोरी गर्न खोज्ने प्रज्जवल पक्राउ

१७ कार्तिक, काठमाडौं । कालिमाटीमा रहेको माछापुच्छ«े बैंकको एटीएम फोडेर रकम चोरी गर्न खोज्ने युवालाई प्रहरीले पक्राउ गरेको छ ।

आइतबार राती साढे १२ बजे कुलेश्वरस्थित माछापुच्छ«े बैंकको एटीएम फोड्न लागिरहेका बेला गस्तीमा खटिएको कालिमाटी प्रहरी वृत्तको टोलीले कैलाली टीकापुर घर भई काठमाडौँ बानेश्वर बस्ने १८ बर्षीय प्रज्जवल खाँणलाई पक्राउ गरेको वृत्तका प्रमुख तथा डीएसपी अपील बोहराले जानकारी दिए ।

उनका अनुसार खाँणले एटीएम फोडेर रकम चोर्ने प्रयास शुरु गरेका थिए । सोही क्रममा प्रहरीले आशंका लागेर एटीएम नजिकै गएर हेर्दा एटीएम फोडेको पाइएपछि पक्राउ गरेर कालिमाटी वृत्तमा लिएको हो । उनीमाथि थप कारबाही शुरु गरिएको डीएसपी बोहराले बताए ।