जोक्कर फिल्म बनाउने दीपक दीपालाई किन चाहियो निश्चल ?

१७ कार्तिक, काठमाडौं । पछिल्लो समय नेपाली चलचित्रमा चिनिएको नाम हो, दीपकराज गिरी र दीपाश्री निरौला । उनीहरुले बनाउने प्राय चलचित्रले करोडौ कमाएका छन् । अहिलेसम्मकै फिल्ममा सबैभन्दा धेरै कमाउने दीपक दीपा हास्यव्यंग्यका नाममा जोकर फिल्म बनाउने भन्दो आलोचित पनि बन्छन् ।

तर उनीहरुको धार फरक छ । दर्शकलाई खुराक दिने, हसाउने र भरपूर मनोरञ्जन दिने उनीहरुको सुत्रले सफलता पाइरहेको छ । हास्यकलाकार मिलेर बनाउने उनीहरुको फिल्म दर्शकले रुचाएका छन् । तर दीपक दीपाको टिम पहिलेको जस्तो बलियो छैन् ।

उनीहरुको टिममा दरार आउन थालेको छ । बिस्तारै सहकर्मीले साथ छाड्न थालेका छन् । हालै मात्रै जितु नेपाल मुन्द्रेले पनि दीपक दीपाको साथ छाडेका छन् । त्यसअघि धुर्मुस, सुन्तली, निर्मल शर्मा, शिवहरी पौड्याल लगायतले साथ छाडिसकेका छन् । अब उनीहरुको साथमा बलियो कलाकार भनेका माग्ने बुढा मात्रै छन् ।

ठीक यही बेला दीपक दीपाले निश्चल बस्नेतको साथ खोजेका छन् । यसअघि हसाउने फिल्म बनाएका उनीहरुले अब साच्चिकै व्यवसायिक र रुवाउने फिल्म बनाउने भन्दै निश्चत बस्नेतको हात समातेको चर्चा चल्न थालेको छ ।

निश्चल नेपाली चलचित्रमा सबभन्दा फरक, क्षमतावान र आफ्नै नामबाट फिल्म चलाउन सक्ने निर्देशकका रुपमा परिचित छन् । अब निश्चलको साथले दीपक दिपाको जोकर फिल्म बनाउने बानी फेरिएला त ? हेर्न बाँकी छ ।