धरान र विराटनगरका संक्रमितको न्युरो अस्पतालमा मृत्यु

१८ कार्तिक, विराटनगर । मोरङको विराटनगरमा रहेको न्युरो अस्पतालमा दुईजना कोरोना संक्रमितको मृत्यु भएको छ । उपचारका क्रममा रहेका विराटनगर ११ का ४९ वर्षीय पुरुष र धरान १५ का ६३ वर्षीय पुरुषको कोरोनाले मृत्यु भएको हो ।

उनीहरुको मृत्यु २० मिनेटको अन्तरमा भएको थियो । २७ असोजमा कोरोना पोजेटिभ देखिएका धरानका पुरुष १२ कात्तिकमा अस्पताल भर्ना भएका थिए ।

१४ कात्तिकमा भर्ना भएका विराटनगरका मृतक पुरुषमा सोही दिन कोरोना पोजेटिभ देखिएको थियो । पछिल्लो समय विराटनगरमा कोरोना संक्रमितको मृत्यु हुने क्रम बढ्दै गएको छ ।