केसीको शोकमा तीन दिनसम्म पार्टीको झण्डा झुकाउने कांग्रेसको निर्णय

१८ कात्तिक, काठमाडौं । आमन्त्रित केन्द्रीय सदस्य तथा प्रतिनिधिसभा सदस्य सूर्यबहादुर केसीको निधनमा नेपाली कांग्रेसले पार्टीको झण्डा आधा झुकाउने निर्णय गरेको छ ।

पोखरा महानगरपालिका ७, कास्कीका केसीको सोमबार राति निधन भएको थियो । कांग्रेस केन्द्रीय कार्यसमितिको मंगलबार बसेको बैठकले केसीको निधनमा शोक प्रस्ताव पारित गरेको छ ।

केसीको निधनमा कांग्रेस नेता कार्यकर्ताले पनि श्रद्धाञ्जली व्यक्त गरेका छन् । नेपाली कांग्रेसको केन्द्रिय कार्यसमितिको बैठकले समेत दिवंगत केसीप्रति श्रद्धाञ्जली व्यक्त गरेको छ ।