गुल्मीका संक्रमितको उपचारका क्रममा बुटवलमा मृत्यु

१९ कार्तिक, गुल्मी । बुटवलकाे कोरोना विशेष अस्थायी अस्पतालमा गुल्मीका एकजना कोरोना संक्रमितको उपचारका क्रममा मृत्यु भएको छ । गुल्मीको गुल्मीदरबार गाउँपालिका वडा नंं  ६ का ८५ वर्षीय पुरुषको मृत्यु भएको हो ।

कार्तिक १३ गते कोरोना संक्रमण पुष्टि भएपछि अस्पतालको सघन उपचार कक्षमा भर्ना भएका पुरुषको मंगलबार साँझ साढे ७ मृत्यु भएको हाे । उनी उच्च रक्तचापका दीर्घरोगी थिए ।

प्रदेश स्वास्थ्य निर्देशनालयका अनुसार गुल्मीमा कोरोना संक्रमणबाट मृत्यु हुनेको संख्या ८ पुगेको छ । लुम्बिनी प्रदेशमा कोरोना संक्रमितको मृत्यु हुने संख्या १ सय ७७ पुगेको छ ।