कोरोना संक्रमणबाट अस्पतालका पुरुष कर्मचारीको मृत्यु

◊ धीरुभाइ

१९ कार्तिक, सप्तरी । गजेन्द्र नारायण सिंह अस्पताल राजविराज एक पुरुष कर्मचारीको कोरोना संक्रमणबाट बुधबार बिहान मृत्यु भएको छ ।
अस्पतालको फर्मासिस्ट पदमा कार्यरत राजविराज नगरपालिका २ निवासी २८ वर्षीय पुरुष कर्मचारीको मृत्यु भएको हो ।

अस्पतालले सञ्चालन गरेको साईकृष्ण मेडिकल भवनको आइसोलेसन केन्द्रमा बिहान १०ः४५ बजेको समयमा मृत्यु भएको गजेन्द्र नारायण सिंह अस्पतालका निमित मेडिकल सुपरिटेन्डेन्ड डा. रणजीतकुमार झाले जानकारी दिए ।

उनमा गत १५ गते कोरोना संक्रमण पुष्टि भएको थियो । कोरोनाको कुनै किसिमको लक्षण नदेखिएको मेसु डा. झाले भने, बिहान सामान्य अवस्थामा चिया नस्ता गरेर उनको अचानक मृत्यु भएको छ ।

मलाई आश्चर्य लागेको छ । उनमा कुनै रोग पनि थिएन । राजविराज आइसोलेनमा हालसम्म भर्ना भएकामध्ये केन्द्रमै पहिलो मृत्यु भएको मेसु झाले शबको व्यवस्थापनको लागि आवश्यक तयारी भइरहेको बताए ।