ल्याबले परीक्षण गर्ने कि परामर्श दिने ?

१९ कात्तिक, काठमाडौं । सरकारले होम आइसोलेसेनमा बसेका संक्रमितहरुलाई परामर्श दिने जिम्मा ल्याबलाई दिएको छ । तर कोरोना परीक्षण गर्ने ल्याबले कसरी परामर्शका लागि समय दिन सक्छन् ? भन्ने कुरा विवादित हुन सक्छ ।

स्वास्थ्य तथा जनसंख्या मन्त्रालयले कोरोना परीक्षण गर्ने प्रयोगशालाहरुले टेलिकाउन्सिलिङ टेलिफोनमार्फत परामर्श दिनुपर्ने निर्णय गरेको हो । ल्याब सञ्चालन गर्ने अस्पताल वा मेडिकल कलेजले आफैं र अरुले सरकारी वा निजी अस्पतालसँग समन्वय गरी परामर्श दिने व्यवस्था गर्नुपर्ने मन्त्रालयले जनाएको छ ।

मन्त्रालयका तथ्यांकअनुसार हाल ३० हजारभन्दा बढी कोरोना संक्रमित होम आइसोलेसनमा छन् । सरकारका यस्तै गैरजिम्मेवारपन निर्णयका कारण नागरिकको स्वास्थ्य संकटमा पर्दै गएको छ ।

होम आइसोेलेसनको अनुमति दिँदा स्थानीय तहका स्वास्थ्यकर्मीहरुले निगरानी गर्ने निर्णय भएको थियो । तर यो कार्यान्वयन हुन सकेन । अब प्रयोगशालाको जिम्मामा छाडिएको छ । यस्तै नेपाल प्रहरी अस्पताललाई ३०० वेडको कोभिड अस्थायी अस्पतालका रुपमा सञ्चालन गर्ने निर्णय पनि भएको छ ।