कोरोना संक्रमित वरिष्ठ हास्यकलाकार गजुरेलकाे फोक्सोमा समस्या

२१ कार्तिक, काठमाडौं । कोरोना संक्रमित वरिष्ठ हास्यकलाकार मनोज गजुरेललाई आइसीयूमा राखेर उपचार गरिएकाे छ । फोक्सोमा समस्या देखिएपछि उनकाे आइसीयूमा राखेर उपचार गरिएको हाे ।

उनको बलम्बुस्थित सशस्त्र प्रहरी अस्पतालमा उपचार भैइरहेको छ । गजुरेललाई गत १० कार्तिकमा कोरोना संक्रमण पुष्टि भएको थियो । उनले फेसबुकबाट आफूलाई कोभिड १९ पोजिटिभ देखिएको जानकारी गराएका थिए । त्यसयता उनी घरमै आइसोलेसनमा बसिरहेका थिए ।

तर अक्सिजन लेभल कम भएपछि उनलाई बिहिबार सशस्त्र प्रहरी अस्पताल लगिएको थियो । अस्पताल जानुपूर्व उनले फेसबुकमा स्टाटस लेखेका थिए ।

आफूलाई पूर्ण सुधार नभएको र र शरीरले फरक फरक प्रतिक्रिया देखाइरहेको उनले जानकारी दिएका थिए । अस्पतालमा स्वास्थ्य परिक्षणपछि उनको फोक्सोमा पानी जमेको चिकित्सकहरुले बताएका छन् ।