कोरोना अस्पताल बुटवलमा एक संक्रमितको मृत्यु

१९ कार्तिक, बुटवल । कोरोना अस्पताल बुटवलमा एक संक्रमितको मृत्यु भएको छ । अस्पतालका अनुसार नवलपरासीको बर्दघाट नगरपालिका-१ का ४७ वर्षीय पुरुषको उपचारको क्रममा बिहीबार राति मृत्यु भएको हो ।

कार्तिक ११ गते कोरोना संक्रमण पुष्टि भएपछि त्यसको भोलिपल्ट अस्पताल भर्ना भएका उनको मृत्यु भएको हो । संक्रमित पुरुष मधुमेह,उच्चरक्तचाप र पित्तथैलीसम्बन्धी दीर्घ रोगी रहेका थिए ।

योसँगै नवलपरासीमा कोरोना संक्रमणबाट मृत्यु हुनेकोे संख्या १६ र लुम्बिनी प्रदेशमा १९१ पुगेको छ ।