शुक्रबार मात्रै कोरोनाले १८ जनाको मृत्यु

२१ कार्तिक, काठमाडौं । कोरोना भाइरसको संक्रमणबाट नेपालमा शुक्रबार थप १८ जनाको मृत्यु भएको छ । मृत्यु हुनेमा सबैभन्दा धेरै काठमाडौं र कास्कीका छन् । काठमाडौं र कास्कीमा शुक्रबार तीन तीन जनाको मृत्यु भएको हो ।

यस्तै सुनसरी, दाङ र कैलालीमा दुई दुई जनाको मृत्यु भएको छ । यस्तै उदयपुर, सिन्धुली, रामेछाप, ललितपुर, बागलुङ र नवलपरासीमा एक एक जनाको मृत्यु भएको छ । पछिल्लो समय दैनिक संक्रमितको संख्या बढेसँगै मृत्यु हुनेको संख्या पनि बढ्दो छ ।