भेरीमा रोल्पाका संक्रमित पुरूषको मृत्यु

२३ कार्तिक, बाँके । रोल्पाका कोरोना संक्रमित एक पुरूषको उपचारको क्रममा बाँकेको नेपालगञ्जस्थित भेरी अस्पतालमा मृत्यु भएको छ ।  रोल्पाको लिवाङ नगरपालिका–४ का ५६ वर्षीय पुरूषको शनिबार मध्यराति १२ः१० बजे मृत्यु भएको हो ।

स्वास्थ्यमा समस्या देखापरेपछि रेउघा अस्पतालमा स्वस्थ्य परीक्षण गरिएकेमा थप उपचारका लागि नेपालगञ्ज मेडिकल कलेज शिक्षण अस्पताल कोहलपुर ल्याइएको थियो ।

कोरोना संक्रमणको आशँकामा कार्तिक १४ गते गरिएको परीक्षणमा त्यसेका भोलिपल्ट रिपोर्ट आउँदा संक्रमण पुष्टि भएको थियो । संक्रमण पुष्टि भएको भोलिपल्ट कार्तिक १६ गते उनलाई भेरी अस्पतालको कोभिड कक्षमा भर्ना गरिएको थियो ।

भेरी अस्पतालमा अक्सिजन सपोर्ट दिएर उनलाई उपचार थालिए पनि शनिबार मध्यराति १२ः१० मा उनको मृत्यु भएको हाे । पारिवारीक स्रोतका अनुसार उनी विगत एक महिनादेखि जन्डिस रोगबाट समेत ग्रसित थिइन् ।