दोस्रो पुस्ताका नेतासँग भेट्दै ओली

२३ कार्तिक, काठमाडौं । नेपाल कम्युनिष्ट पार्टी भित्रको विवाद उत्कर्षोन्मुख भएपछि नेकपा अध्यक्ष केपी शर्मा ओलीले हिजो शीर्ष नेताहरुसँग नयाँ प्रस्ताव राखे– अब नयाँ पुस्तालाई नेतृत्व हस्तान्तरण गरौं । हिजो सचिवालय बैठक डाक्न अनुरोध गर्न पत्र लिएर बालुवाटार पुुगेका पाँच जना शीर्ष नेताहरुले त्यतिबेला खासै ध्यान दिएनन् । लगत्तै ओलीका भित्रिया मानिने पूर्व सञ्चारमन्त्री गोकुलप्रसाद बाँस्कोटाले अब सचिवालयमा नयाँ पुस्तालाई ल्याउन प्रस्ताव गरे ।

साथै, प्रधानमन्त्री ओलीले हिजोकै कुरालाई बल पुग्ने गरी आज माधव नेपाल निकट मानिने दोस्रो पुस्ताका नेताहरुलाई बालुवाटार डाकेका छन् । माधव नेपालसहित भीम रावल, रघुजी पन्त र सुरेन्द्र पाण्डेलाई उनले बालुवाटार डाकेका छन् । पार्टी भित्रको विवाद चरम हुन थालेपछि ओली प्रचण्डलाई तह लगाउन नेपाल पक्षलाई फकाउँदैछन् ।

तर ओलीको रणनीतिसँग चिरपरिचित नेता नेपाल सजिलै फकिनेवाला नभएको निकटवर्ती स्रोतको भनाई छ । माधव कम्रेडले ओलीको चाला राम्रो बुुझ्नु भएको छ,त्यसैले फकाउने प्रयासको कुनै अर्थ छैन– स्रोत भन्छ । तर ओलीले दोस्रो पुस्ताका नेताहरु बोलाएकाले आज के प्रस्ताव गर्ने हुुन् त्यो भने प्रतिक्षाका विषय बनेका छ ।