रुपन्देहीमा ४५ वर्षीय संक्रमित पुरुषको मृत्यु

२४ कार्तिक, बुटवल । रुपन्देहीको बुटवलमा रहेको कोरोना अस्पतालमा थप एकजना संक्रमितको मृत्यु भएको छ । बुटवल उपमहानगरपालिका–१७ का ४५ वर्षीय पुरुषको मृत्यु भएको हो ।

कार्तिक २२ गते कोरोना संक्रमण पुष्टि भएपछि सोही दिन अस्पताल भर्ना भएका उनको उपचारका क्रममा सोमबार बिहान ६ बजे मृत्यु भएको अहो । उनी मिर्गौला र कलेजोका दीर्घरोगी थिए ।

प्रदेश स्वास्थ्य निर्देशनालयका अनुसार रुपन्देहीमा मृतक कोरोना संक्रमितको संख्या ८४ र लुम्बिनी प्रदेशमा १९८ पुगेको छ ।