सविनसँगको प्रेममा बर्षा

२४ कार्तिक, काठमाडौं । नायिका वर्षा सिवाकोटी अमेरिकामा रहेका युवकसँग प्रेममा परेकी छिन् । दशैंको टिका थापेर अमेरिका पुगेकी उनी त्यसयता सविनसँग प्रेममा डुबेकी हुन् । उनी प्रेमीसँग विभिन्न ठाउँ घुमेको, उठेको बसेको मात्रै नभई प्रेमिल शहरमा रोमान्स गरेको तस्बिर पनि सामाजिक सञ्जालमा देखिएका छन् ।

वर्षाले अमेरिकामा रहेका आफ्ना प्रेमी सविनजंग थापासँगको भेटघाटको तस्वीर पनि इन्स्टाग्राममा शेयर गरेकी छिन् । भेटघाटमा वर्षाको लागि सविनले गीत गाएको देख्न सकिन्छ । वर्षाले सामाजिक संजालमा शेयर गरेको तस्वीरले उनीहरुको भेटघाट विशेष भएको वुझ्न सकिन्छ ।

वर्षाले आफू विशेष कामले अमेरिका आएको र सो समयमा सविनसँग भेटघाट गरेको बताएकी छिन् ।