सेवाग्राहीसँग घुस लिने प्रहरी हवल्दारविरुद्ध मुद्दा

२५ कार्तिक, काठमाडौं । अख्तियार दुरूपयोग अनुसन्धान आयोगले घुस लिएको आरोपमा इलाका प्रहरी कार्यालय बुटवलमा कार्यरत एकजना प्रहरी हवल्दारविरुद्ध विशेष अदालत काठमाडौंमा मुद्दा दायर गरेको छ ।

सेवाग्राहीसँग ४ लाख रुपैयाँ घुस लिएको आरोपमा प्रहरी हवल्दार शिवचन्द्र साहानीविरुद्ध मंगलबार आयोगले मुद्दा दायर गरेको हाे ।

अनुसन्धानको क्रममा प्रहरी हवल्दार साहानीले जातीय विभेद सम्बन्धी मुद्दामा सहजीकरण गरिदिए बापत उक्त रकम घुस लिएको पाइएको उनले बताए ।