भोलि दिउँसो ४ बजे नेकपाको सचिवालय बैठक

२७ कार्तिक, काठमाडौं । सत्तारुढ नेकपाको सचिवालय बैठक भोलि बस्ने भएको छ । भोलि शुक्रबार दिउँसो ४ बजे बस्ने सचिवालय बैठकमा नेकपाको आन्तरिक किचलोका विषयमा छलफल हुने अनुमान गरिएको छ ।

नेकपाका अर्का अध्यक्ष प्रचण्ड लगायतका नेताहरुले सचिवालय बैठकका लागि निरन्तर छलफल चलाउँदै आएका थिए । तर प्रधानमन्त्री ओलीले सचिवालय बैठक बोलाउन अस्वीकार गरेका थिए ।

निरन्तरको दबाबपछि प्रधानमन्त्री ओली बैठक बसाल्न तयार भएका हुन् । भोलि बस्ने बैठकमा पार्टी फुटको स्पष्ट योजनाबारे छलफल हुने अनुमान छ । पछिल्लो समय प्रधानमन्त्री ओलीले नै पार्टी फुटाउनुपर्ने प्रस्ताव प्रचण्डसँग गरेका थिए ।

ओलीको प्रस्तावपछि नेकपामा तरंग उत्पन्न भएको छ ।