डिभोर्सी अमृताको कन्चटमा गोली हानेर हत्या

२७ कार्तिक, गौर । श्रीमानसँग डिभोर्स गरेर बसेकी रौतहटकी एक युवतीको गोली प्रहार गरी हत्या भएको छ । गएराति गोली प्रहारबाट १८ वर्षिया अमृता कुमारीको हत्या भएको प्रहरीले जनाएको छ ।

अमृताले गएको असारमा मात्रै श्रीमान रुपेश शाहसँग डिभोर्स गरेकी थिइन् । ५ महिनाअघि रुपेशसँग अमृताको विवाह भएको थियो । अमृताको कन्चटमा गोली हानेर हत्या भएपछि प्रहरीले थप अनुसन्धान शुरु गरेको छ ।