प्रधानमन्त्री निवासमा रहेको हेलिप्याड संचालनमा

२७ कार्तिक, काठमाडौं । प्रधानमन्त्री निवास बालुवाटारमा रहेको हेलिप्याड संचालनमा आएको छ । प्रधानमन्त्रीको यात्राका क्रममा सडकमा हुने ट्राफिक जाम कम गर्न र समय बचतका लागि बालुवाटारमै हेलिप्याड निर्माण गरिएको प्रधानमन्त्री केपी शर्मा ओलीका प्रेस सल्लाहकार सूर्य थापाले जानकारी दिएका छन् ।

थापाले सामाजिक संजालबाट जानकारी दिँदै भनेका छन् :– बालुवाटारमा हेलिप्याड निर्माण भएपछि सर्वसाधारणले सास्ती खेप्नुनपर्ने छैन । नेपाल नागरिक उड्डयन प्राधिकरणको मापदण्डअनुसार बालुवाटारमा अत्याधुनिक हेलिप्याड निर्माण गरिएको बताएका छन् । भर्खरै निर्माण सम्पन्न भएको हेलिप्याड सञ्‍चालनमा समेत आएको छ । बुधबार संखुवासभा जाने क्रममै प्रधानमन्त्री केपी शर्मा ओली बालुवाटारबाटै सेनाको हेलिकप्टरमा गएका थिए । संखुवासभाबाट फर्कँदा पनि उक्त हेलिकप्टर बालुवाटारमै अवतरण भएकाे थियो ।