मृत्युको मुखमा पुगेका मनोज गजुरेल कोरोना जितेर घर फर्किए

३० कार्तिक, काठमाडौं । कोरोना भाइरस जितेर हास्यकलाकार मनोज गजुरेल घर फर्किएका छन् । ११ दिनको अस्पताल बसाईपछि रिर्पोट नेगेटिभ आएर आफू घर फर्किएको गजुरेलले ट्वीट गरेका छन् ।

आफ्ुनो रिर्पोट नेगेटिभ आएको र अहिले घरमै आराम गरिरहेको पनि उनले बताएका थिए । कोरोना संक्रमण पुष्टि भएका उनको शुरुको दिनमा स्वास्थ्य अवस्था जटिल बनेको थियो । अवस्था जटिल भएर आईसीयुमा भर्ना गर्दा उनीप्रति धेरैले स्वास्थ्य लाभको शुभेच्छा गरेका थिए ।

त्यसमा पनि उनकी पूर्वपत्नी मीना ढकालले समेत उनको शीघ्र स्वास्थ्यको कामना गर्दै माया दर्शाएकी थिइन् । जसको सामाजिक सञ्जालमा धेरैले सराहना गरेका थिए ।