पाल्पामा दुई संक्रमितको ज्यान गयो

३० कार्तिक, पाल्पा । पाल्पामा कोरोना भाइरसका कारण दुई जनाको मृत्यु भएको छ । लुम्बिनी मेडिकल कलेजमा उपचारका क्रममा बगनासकाली, चिर्तुङधाराकी ६३ वर्षीया महिला र युनाइटेड मिसन अस्पतालमा उपचारका क्रममा माथागढी कसेनीका ४३ वर्षीय पुरुषको उपचारका क्रममा मृत्यु भएको हो ।

स्वास्थ्य कार्यालयका सूचना अधिकारी ओमप्रकाश पन्थीका अनुसार शनिबार कोरोना भाइरस संक्रमण पुष्टि भएकी ६३ वर्षीय महिलाको आइसोलेसनमा उपचारका क्रममा मृत्यु भएको लुम्बिनी मेडिकल कलेजका कोभिड फोकल पर्सन प्रदीप खनालले बताए ।

मिसन अस्पतालमा मृत्यु भएका ४३ वर्षीय पुरुषमा मधुमेहको समस्या रहेको अस्पतालले जनाएको छ । योसंगै कोरोना भाइरस संक्रमणबाट जिल्लामा ज्यान गुमाउनेको संख्या १६ पुगेको छ ।