छिमेकीको हत्या गर्ने बिनोदलाई यसरी समात्यो प्रहरीले

३० कार्तिक, सर्लाही । २८ वर्षीय अजय पासवानको हत्या गरेको आरोपमा प्रहरीले स्थानीय विनोद पासवानलाई पक्राउ गरेको छ । धारिलो हतियार प्रहार गरी हत्या गरेको अभियोगमा मलंगवा नगरपालिका ६ खुटौना बस्ने ३६ बर्षीय बिनोद पासवानलाई आइतबार बिहान प्रहरीले पक्राउ गरेको हो ।

बिनोदले धारिलो हतियार प्रहार गर्दा अजयको मृत्यु भएको थियो । प्रहरी चौकी खुटौना र जिल्ला प्रहरी कार्यालय सर्लाहीबाट खटिएको प्रहरीले उनलाई पक्राउ गरेको हो । यस सम्बन्धमा थप अनुसन्धान भइरहेको प्रहरीले जनाएको छ ।