सचिवालय बैठक १ बजे बालुवाटारमै बस्ने

३ मंसिर, काठमाडौं । सत्तारुढ नेकपामा भीडन्तको तयारी शुरु भएको छ । बालुवाटारमा १ बजेका लागि तय गरिएको सचिवालय बैठक निर्धारित समयमै बस्ने नेकपाका प्रवक्ता नारायणकाजी श्रेष्ठले जानकारी दिएका छन् ।

उनका अनुसार यसअघि बैठकमै तय भएको समय दायाबाँया नभई तोकिएकै समयमा बैठक बस्ने भएको हो । प्रधानमन्त्री केपी शर्मा ओलीले भने एक बजे नै मन्त्रिपरिषद बैठक बोलाएका छन् । प्रचण्ड र ओली पक्षबीच भीडन्त हुने तयारी भएका बेला कार्यकर्तामा भने सन्नाटा छाएको छ ।