थपिए १४४२ संक्रमित, ३५३८ जना डिस्चार्ज

३ मंसिर, काठमाडौं । नेपालमा थप १ हजार ४४२ जनामा कोरोना भाइरस संक्रमण पुष्टि भएको छ । ६ हजार ७३१ जनामा गरिएको परीक्षणमा ९०८ पुरुष र ५३४ जना महिला गरी १ हजार ४४२ जनामा संक्रमण पुष्टि भएको हो ।

योसँगै नेपालमा कोरोना भाइरस संक्रमितको संख्या २ लाख १२ हजार ९१७ पुगेको छ । पछिल्लो २४ घण्टामा ३५३८ जना कोरोना भाइरस संक्रमणमुक्त भएका छन् । हालसम्म १ लाख ८२ हजार ७८० जना संक्रमणमुक्त भएका छन् ।

देशभर सक्रिय संक्रमितको संख्या २८ हजार ८७८ रहेको छ ।