पाल्पाकी संक्रमित महिलाको रुपन्देहीमा मृत्यु

३ मंसिर, रुपन्देही । पाल्पाकी कोरोना संक्रमित महिलाको भैरहवामा ज्यान गएको छ । पाल्पाको बगनासकाली गाउँपालिका–६, यम्घाकी ५१ वर्षीया महिलाको भैरहवास्थित युनिभर्सल मेडिकल कलेजमा उपचारका क्रममा बुधबार मृत्यु भएको हो ।

३० कात्तिकमा अस्पताल भर्ना भएकी उनको कोरोना परीक्षण रिपोर्ट मंसिर १ गते पोजेटिभ आएको मेडिकल कलेजका जनसम्पर्क अधिकृत शुशिल गुरुङले बताए । उनी निमोनिया, दम र मधुमेहसम्बन्धी रोगबाट पनि ग्रसित थिइन् ।