तीन वर्षीया बालिकाको बलात्कारपछि हत्या

४ मंसिर, हेटौँडा । मकवानपुरमा ३ बर्षीया बालिकाको बलात्कारपछि हत्या भएको छ । पूर्वी मकवानपुरको वाग्मतीमा तीन वर्षीया बालिकाको वीभत्स हत्या भएको अवस्थामा उनी फेला परेकी हुन् ।

वाग्मती गाउँपालिका–७ को लामिटारका शेरबहादुर पाख्रिनकी छोरी रुबिनाको विभत्स अवस्थामा शव भेटिएको प्रहरीले जनाएको छ । जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक इन्द्रबहादुर रानाका अनुसार घटनास्थल नजिक उनको कट्टु फेला परेकाले बलात्कारपछि नै हत्या भएको आशंका छ ।

उनी भेटिदा घाइते अवस्थामा थिइन् । सास मात्रै बाँकी रहेका बेला उनलाई हेटौँडा अस्पताल समेत पुर्याइएको थियो । तर डाक्टरले उनलाई मृत घोषणा गरे । प्रहरीले बलात्कारपछि हत्या गरेको आरोपमा २ जनालाई पक्राउ गरेर अनुसन्धान शुरु गरेको छ ।