ब्रुनोको गोलमा म्यान्युको संघर्षपूर्ण जित

७ मंसिर, एजेन्सी । प्रिमियर लिग फुटबलमा म्यान्चेष्टर युनाईटेडले महत्वपूर्ण जित निकालेको छ । शनिबार राति युनाईटेडले वेस्ट ब्रुममाथि १–० को कठिन जित निकालेको हो । युनाईटेडको जितमा ब्रुनो फर्नान्डेजले पेनाल्टीमा गोल गरे । उनले ५६ औं मिनेटमा पेनाल्टीमा गरेको गोलमा युनाईटेडले तीन अंक बटुलेको हो ।

युनाईटेडले घरेलु मैदानमा यस सिजन पहिलो जित दर्ता गरेको हो । वेस्ट ब्रुम कप्तान जेक लिवरमोर र डिफेन्डर किरन गिब्सबिनै मैदान उत्रिएको थियो । कोरोना परिक्षणमा पोजेटिभ आएपछि दुवै युनाईटेडविरुद्धको खेलमा अनुपस्थित थिए ।

जित सहित युनाईटेडले सिजनमा पहिलो पटक शीर्ष १० भित्र उक्लिन सफल भएको छ ।