डाहा हुने गरी आँचलले के काम गरेकी छिन् ?

७ मंसिर, काठमाडौं । पछिल्लो समय नायिका आँचल शर्मा विवाहित भएर पनि व्यस्त छिन् । नेपाली फिल्म क्षेत्र विवाहित नायिकाका लागि फलामको चिउरा चपाउनुसरहको क्षेत्र हो । विहे हुनेवित्तिकै थोरैले मात्र काम पाउँछन् ।

धेरैले बेवास्ता गर्छन् । तर ठीक यतिबेला आँचल शर्मा व्यस्त छिन् । उनले घुमाउरो पाराले आफ्नो व्यस्तता पछिल्लो समय झन बढेको बताएकी छिन् । स्मरण रहोस, उनी एक औषत नायिका हुन् । औषत नायिका भएकै बेला उनले म्युजिक भिडियोमा धेरै चर्चा पाइन् ।

त्यसमा पनि नायक पल शाहको प्रेमका कारण उनी बढी चर्चामा आइन् । पलले तत्कालै बिहे नगर्ने बताएपछि आँचलले उदीप श्रेष्ठसँग विवाह गरिन् । तर उनको चमक धमक कम छैन् । नयाँ फिल्म बनाउने तयारी समेत गरिरहेकी छिन् ।

तर पनि उनको कामको चर्चा मिडियामा यसरी भइरहेको छ, मानौ उनले नेपाली फिल्म क्षेत्रबाट अभिनय गरेर ओस्कार जितेकी छिन् । त्यति मात्रे होइन, उनले आफ्नो विरोधीलाई व्यंग्य गर्दै अरुलाई डाहा नगर्न पनि चेतावनी दिन्छिन् ।

आखिर अरुले डाहा गरे भन्ने आँचलले त्यस्तो डाह लाग्ने काम के गरेकी छिन् र ? नाई न भन्नु ल ४ बाट डेब्यु गरेकी यी नायिका कुनै पनि फिल्ममा त्यति शक्तिशाली नायिका भन्दा औषत समय बिताउने नायिकाका रुपमा बढी परिचित छिन् ।