जोखिम बढेपछि अनिश्चितकालका लागि विद्यालय बन्द

७ मंसिर, हुम्ला ।   कोभिड–१९ को उच्च जोखिमका कारण हुम्ला जिल्लाका सम्पूर्ण विद्यालय यही मंसिर ५ गतेदेखि बन्द भएका छन् । उत्तरी भेगमा पर्ने नाम्खा गाउँपालिका–६ को याल्वाङ्ग गुम्बामा आठजनामा कोरोना संक्रमण देखिएपछि प्रजिअ चिरञ्जीवी गिरीको अध्यक्षतामा बसेको सर्वपक्षीय बैठकले मंसिर ५ गतेदेखि अनिश्चितकालका लागि जिल्लाका सम्पूर्ण विद्यालय बन्द गर्ने र आवतजावतमा रोक लगाउने निर्णय गरिएको छ ।